Tuesday, September 18, 2012

Di na natuto... alak pa... mwah mwah



Ilang beses na nating narinig, walang pinagkaiba ang alak sa pag-ibig. Parehong nakalalasing. Tatawa ka ng tatawa ng walang dahilan. Minsan ay para kang nakalutang. Mawawala ang inhibitions mo pag nasobrahan. Masasabi mo ang lahat ng bagay na hindi mo masabi sa normal na sitwasyon. Magagawa mo ang mga bagay na di mo kayang gawin kapag wala ka pang “tama”.

Alcohol, alcohol, alcohol...


Pero ang alak, tulad ng pag-ibig ang kadalasan ding sinisisi kung kinabukasan ay gigising tayong masakit ang ulo. Masakit ang katawan. O masakit ang damdamin. Sa sobrang sakit ng ulo mo sa hangover, sinasabi mo na di ka na uli iinom. Sinusumpa mo ang alak. Katulad din sa pag-ibig. Pag nasawi ka, masakit. At sasabihin mong di ka na iibig pang muli. Kasalanan ng alak. Kasalanan ng pag-ibig. 


Dalawang bagay na walang isip. Mga bagay na di ka naman pinilit na kunin mo. Na angkinin mo sila. At ng napasobra ka sa pagkonsumo, sila na ngayon ang may kasalanan. Sila pa ang masama. Wala naman silang kinalaman sayo. Ikaw ang walang kontrol. Ikaw ang nagpabaya. Ikaw ang may isip. Ikaw ang may utak.

So sinusumpa mo na ang pag-ibig ha...


At bukas, panibagong araw uli. Wala na ang hangover. Wala na ang sakit. Sabi mo di ka na uulit. Sinusumpa mo na nga eh. Ngayon ok ka na kahit papano. Buti pa mag unwind muna tayo. Para makalimot lalo sa problema. Sa sakit. 


Alam mo, walang kwenta talaga yun. Kalimutan mo na siya. Ikaw naman kasi eh. Di ka nakinig. Tama na ang iyak. Pero alam mo, gumaganda ka pala pag medyo mugto ang mata mo. Walang halong biro. Oo nga.  Andito lang  naman ako lagi para sayo e. Oo matagal na. Andyan kasi siya kaya di ako makalapit sayo. Talaga?  Ganon ka rin? Ows? Tayo na. Yehey, I love you. I love you too. Mwah mwah tsup tsup. Lasing ka na yata. Hatid na kita. Bukas uli ha.

16 comments:

  1. Sobrang nakarelate ako dito. Lagi kong sinasabi na 'di nako iinom ulet kapag nalalasing ako ng sobra. siguro mga 100 times na. Haha. Nice post. Nice blog. ;)

    "Isang lasheng na lang, bote nako..."

    ReplyDelete
    Replies
    1. hehehehe. Thanks Denggoy.

      Ako rin nung college days pa. After nun,nag-bagong buhay na ko. Pinanindigan ko na. hahahaha.

      Delete
  2. Di ako umiinom kaya di ako makarelate. hehe. in fairness, 6 paragraphs lang ah. hehe. :P




    http://www.dekaphobe.com/

    ReplyDelete
    Replies
    1. hahaha. binilang mo talaga ah. :P

      Di ka umiinom, pero how about sa pagiging inlove? yihiii!!!

      Delete
    2. Teka, mali ka ng bilang. 5 lang eh. hahaha

      Delete
  3. Hahaha binilang talaga ang paragraph.. Dapat binaban ang alak. Hehehe

    ReplyDelete
    Replies
    1. wag naman.taasan na lang ng tax para kumonti ang iinumin pag nagmahal na. hehehe.

      Pano naman ang pag-ibig? :P

      Delete
  4. wahaha, kahit di ako lasenggo natawa naman ako at mejo naka relate na din naks!

    ReplyDelete
    Replies
    1. hmm, di ka lasenggo. So alam ko na kung san ka nakarelate. hahaha. :)

      Delete
  5. mula ng malasing ako na halos isuka ko pati bituka ko sabi ko hindi na ko magpapakalasing ulet..totoo yun pinaninindigan ko pa rin gang ngaun..pero sa pag-ibig kahit ilang beses na kong nasaktan..hindi ko sasabihin na hindi na iibig muli..naks naman ako na talaga hahaha!ang drama ko shet...

    ReplyDelete
    Replies
    1. naka naman. may moment. hahahahaha. tama yun. part yung masaktan. wag lang uulitin ang dahilan kung bakit. hindi na part yun. hahaha

      Delete
  6. haynaku pre! di ako makarelate sa mga ito. lols!

    seriously, nice one!

    ReplyDelete
    Replies
    1. hahaha. salamat pre. ako rin di naman ako nakakarelate diyan. Nakukwento lang sa kin. :P

      Delete
  7. hay pag-ibig! puro pa-tweetums pa ang knowledge ko about sa alak este love. ahohho

    ReplyDelete
  8. Ako ba naiisip mo dito? Hahaha! Alak pa!

    ReplyDelete

LinkWithin

Related Posts Plugin for WordPress, Blogger...